travesti
travesti
travesti
【台語世界/錄音】「3」的趣味佮神奇
圖

是按怎欲揀這篇:

12----ah,又koh是年尾,舊年ê目標,今年kám有完成?明年kám有新ê目標?若你拍算beh學新ê技術,總--ài照起工來行、沓沓仔來實現。本文作者提出「3的原則」,其實學語言m?是仝款,只要逐禮拜三擺讀三十分鐘,定著?有進步?o

敢有想--過,生活中是按怎定定出現「三?一組」的資訊?政治有「三民主義」、故事有『三隻小豬』,真濟有名的牌子嘛是三?字母鬥--起-來--的,親像IBM、CNN、TED。連美國總統Barack Obama(『歐巴馬』)選舉的時陣,嘛是喝「Yes, we can」三?詞。

是按怎「3」這?數字有效?

第一,長度真短,閣會使傳達充分的資訊。比論講運動的牌子Nike的口號「Just Do It」是三?詞。Apple創辦人Steve Jobs佇發表產品簡報內底,逐張投影片攏控制佇三?資訊以內。若對攝影有興趣的人百面有聽過畫面愛分三份這種畫面處理的方式。

第二,講代誌若是分三段,記較會牢。若準描述一層代誌,分做頭、尾佮中央三?段落,毋但會講甲較完整,嘛予人印象較深、較好記。

第三,符合人的慣性思考。想看覓--咧,佇生活中咱用會著--的,真濟攏佮「3」有關係,比論咱欲開始一件代誌進前,會算「一、兩、三」。青紅燈是「青、黃、紅」三色。比賽結果、考試著等嘛是算前三名。

所以就慣性的角度來看,人腦真慣勢吸收三?物件組合--起-來的資訊,這就是「3的法則」有效的三?原因。親像拄才嘛是用三?重點來說明--的--喔!

按怎運用「3的法則」佇生活當中?「3的法則」真適合用佇設定目標佮執行,只要利用「3-3-3的原則」。三?核心目標,逐禮拜至少三擺,逐擺投入至少三十分鐘的時間。以下用設定2018新年目標來舉例。

第一?「3」,一年三?核心目標。拍拚實現這三?目標是這一年優先的代誌,核心目標會包括其他的小目標。比論講今年想欲運動變健康,小目標會包括定期運動、食食(tsia?h-si?t)計畫、運動智識……等等需要完成,小目標無一定愛偌濟抑是偌幼路,只要是佮核心目標有關係的代誌就會使。

第二?「3」,一禮拜做三擺。逐禮拜愛運動上無三擺,若是想欲做超過三擺敢會使?當然無問題,只是建議規劃的時陣先確認做會到三擺就會使。尤其目標是學習新的技術抑是語言,一--來避免衝了傷緊,二--來嘛會當保持對學習的熱情佮興趣。其實一禮拜三擺,一年等於做156改,三?核心目標就是468改,已經袂少--囉。

第三?「3」,一擺做三十分鐘。比論講逐擺愛運動三十分鐘,練語言「聽、講、讀、寫」三十分鐘。是按怎是三十分鐘呢?因為三十分鐘大約仔是大人人腦維持專心程度上久的時間,若是超過,毋但無法度專心,學習的效果嘛會降低。另外,這馬的時代欲定定揣閬縫,訂出完整的時間較困難,所以按半點鐘執行佮目標有關係的代誌是較拄好--的。

對大目標到小目標,共愛完成的代誌拆做較細的項目,一步一步來做,上重要--的毋是有達成--無,是過程中敢有一直不斷咧執行,有學習著物件,予家己愈來愈進步,利用「3-3-3的原則」予咱的生活閣較充實、閣較精彩。

作者是台師大台灣語文學系碩士生;本文台灣母語聯盟提供。

 
資料來源: 民報/ 報導日期: 2017-12-06 點閱人次: 200人
上一筆
下一筆
上一筆